తాజాగా బన్నీ వాసు జనసేన పార్టీ అధినేత పవన్ కల్యాణ్ సమక్షంలో ఆ పార్టీలో చేరాడు. వచ్చే ఆంధ్రప్రదేశ్ శాసనసభ ఎన్నికల్లో పశ్చిమ గోదావరి జిల్లా పాలకొల్లు అసెంబ్లీ స్థానం నుంచి ఎన్నికల్లో పోటీ చేయడానికి ఉవ్విళ్లూరుతున్నాడు. పవన్ ఆమోదం లభిస్తే దాదాపు బన్నీ వాసు అక్కడి నుంచి పోటీ చేయడం ఖాయం. పైగా మెగా బ్రదర్ నాగబాబు, మెగా ప్రొడ్యూసర్ అల్లు అరవింద్ ఆశీస్సులు వాసుకు ఉన్నాయి.
మార్చి 14న రాజమండ్రిలో నిర్వహించనున్న జనసేన పార్టీ ఆవిర్భావ దినోత్సవానికి నియమించిన కమిటీలో బన్నీ వాసు కూడా స్థానం దక్కించుకున్నాడు. పాలకొల్లులో వాసుకున్న విశేష అనుచరగణం, అంగ, అర్ధ బలాలు ఆయనకు ఉపకరించే అవకాశం ఉంది. ఈ నేపథ్యంలో పాలకొల్లు నుంచి బన్నీవాసు పోటీకి పవన్ అడ్డుచెప్పకపోవచ్చు.
No comments:
Post a Comment