టాలీవుడ్ లో ట్రెండ్ సెట్టర్ గా నిలిచిన చిత్రాల్లో 'శివ'ను కూడా చెప్పుకోవచ్చు. అన్నపూర్ణ స్టూడియోస్ బ్యానర్ పై అక్కినేని నాగార్జున, అమల హీరోహీరోయిన్లుగా 1989, అక్టోబర్ 5న విడుదలైన ఈ చిత్రం సంచలన విజయం సాధించింది. దర్శకుడు రామ్ గోపాల్ వర్మకు ఇదే తొలి చిత్రం కావడం విశేషం. రామ్ గోపాల్ వర్మ టేకింగ్, సాంకేతిక విలువలు, నాగార్జున ఇంటెన్సిటీ లుక్స్ ఈ సినిమాను పెద్ద హిట్ చేశాయి. పాటలు కూడా చిత్ర విజయంలో తమదైన పాత్ర పోషించాయి. నాగార్జున కెరీర్ లో అతిపెద్ద హిట్స్ లో ఒకటిగా నిలిచింది. అదేవిదంగా దర్శకుడు రామ్ గోపాల్ వర్మను జాతీయ స్థాయిలో టాప్ దర్శకుడిగా నిలబెట్టింది. ఈ చిత్రం విడుదలై నేటికి 29 సంవత్సరాలైంది. ఈ సందర్భంగా చిత్ర యూనిట్ సోషల్ మీడియాలో తమ సంతోషాన్ని వ్యక్తం చేసింది.
No comments:
Post a Comment