అక్టోబర్ 15న ధవళేశ్వరం బ్యారేజీపై జనసేన కవాతు

పవన్ కల్యాణ్ నేతృత్వంలోని జనసేన పార్టీ అక్టోబర్ 15 ధవళేశ్వరం బ్యారేజీపై లక్షలాదిమందితో కవాతు నిర్వహించనుంది. ఈ కవాతును ముందు అక్టోబర్ 9న రాజమండ్రి పాత బ్రిడ్జిపై నిర్వహించాలని అనుకోగా లక్షలాది మంది యువత తరలివచ్చే అవకాశం ఉండటంతో బ్రిడ్జి మనుగడను దృష్టిలో పెట్టుకుని ధవళేశ్వరంపై కవాతు నిర్వహించాలని నిర్ణయించారు. ఈ మేరకు పార్టీ రాజకీయ వ్యవహారాల కమిటీ కన్వీనర్ మాదాసు గంగాధరం విజయవాడలో మీడియాకు చెప్పారు. లక్షలాది మంది అభిమానులు కవాతుకు తరలివచ్చే అవకాశం ఉందని, రాజమండ్రి పాత బ్రిడ్జి అంతమందిని తట్టుకునే అవకాశం లేకపోవడంతో ధవళేశ్వరం బ్యారేజీను ఎంపిక చేసినట్టు వెల్లడించారు.