రేపే వీఆర్వో పరీక్ష! పది లక్షల మంది అభ్యర్థులు! ఒక్కో పోస్టుకు 1512 మంది పోటీ!

తెలంగాణ రాష్ట్రంలో ఎన్నడూ లేనంతగా ఒక్క వీఆర్వో పోస్టుకు 1,512 మంది పోటీ పడుతున్న విషయం తెలిసిందే. అంతెందుకు ఇంత పోటీ ఉమ్మడి ఆంధ్రప్రదేశ్ రాష్ట్ర చరిత్రలోనూ ఎన్నడూ లేదు. ఈ సారి 700 వీఆర్వో పోస్టులకు 10,58,387 మంది దరఖాస్తు చేసుకున్నారు.

రేపు (సెప్టెంబర్16) నిర్వహించనున్న ఈ పరీక్షకు ఏర్పాట్లు ఇప్పటికే పూర్తయ్యాయి. పరీక్ష ఉదయం 11 నుంచి మధ్యాహ్నం 1:30 వరకు  జరుగుతుంది. తెలంగాణ రాష్ట్రవ్యాప్తంగా 2,945 పరీక్ష కేంద్రాలను ఏర్పాటు చేశారు.