సూపర్‌స్టార్ రజనీకాంత్ రీల్ మీద ఎంత స్టయిల్‌గా ఉన్నా, రియల్‌గా మాత్రం చాలా నిరాడంబరంగా ఉంటారు. తనో పెద్ద సూపర్‌స్టార్ అనే ఫీలింగ్ ఏమాత్రం లేకుండా చిన్నవాళ్లు చేసిన సినిమాలు నచ్చితే ఇంటికి పిలిచో, ఫోన్ ద్వారానో , బొకే పంపించో అభినందిస్తుంటారు. అలా ఇప్పటివరకు ఎంతోమంది నటీనటులకు, సినిమాలకు రజనీ ప్రశంసలు లభించాయి. తాజాగా ఆ జాబితాలో ‘చెన్నయిల్ ఒరు నాళ్’ అనే చిత్రం చేరింది. మలయాళంలో ఘనవిజయం సాధించిన ‘ట్రాఫిక్’కి ఇది రీమేక్.
అవయవా దానం నేపథ్యంలో శరత్‌కుమార్, ప్రకాష్‌రాజ్, రాధిక, ప్రసన్న, పార్వతి మీనన్ తదితరుల కాంబినేషన్‌లో నూతన దర్శకుడు షాహిద్ ఈ సినిమా చేశారు. ‘అవయవ దానంపై చాలామందికి సరైన అవగాహన లేదు. మనం చనిపోయిన తర్వాత మన అవయవాలను దానం చేయడం ద్వారా ఎంతోమందికి జీవితాన్నివ్వొచ్చు. ఆ అంశాన్ని చెబుతూ... సమాజ శ్రేయస్సు కోరి, ఒక బాధ్యతాయుతమైన చిత్రం చేసినందుకు ఈ టీమ్‌ని మనస్ఫూర్తిగా అభినందిస్తున్నాను’ అని రజనీకాంత్ ఓ ప్రకటనలో ప్రత్యేకంగా ప్రశంసించారు.
Subscribe to:
Post Comments (Atom)
No comments:
Post a Comment