గత సెప్టెంబర్ లో ఇండియా టుడే వెల్లడించిన సర్వేలోనూ వైఎస్ జగన్ ను సీఎంగా కోరుకుంటున్నవారి శాతం 43గా తేలింది. చంద్రబాబును 38 శాతం మంది మళ్లీ కావాలని కోరుకున్నారు. పవన్ కల్యాణ్ సీఎం కావాలని గత సెప్టెంబర్ లో కోరుకున్నవారి శాతం 5. అయితే ఇప్పుడు మరోమారు ఇండియా టుడే తాజాగా వెల్లడించిన సర్వేలో చంద్రబాబు సీఎంగా మరోమారు ఉండాలని కోరుకుంటున్నవారు రెండు శాతం తగ్గారు. అదేవిధంగా పవన్ కల్యాణ్ సీఎం కావాలని కోరుకుంటున్నవారిలో ఒక శాతం తగ్గారు. కానీ వైఎస్ జగన్ సీఎంగా కావాలని కోరుకుంటున్నవారు రెండు శాతం పెరగడం గమనార్హం.
నాలుగున్నరేళ్లకు పైగా ప్రజలను పట్టించుకోకుండా వచ్చే ఎన్నికల్లో గెలుపు సాధించడమే లక్ష్యంగా చంద్రబాబు అనేక ఎన్నికల తాయిలాలను ప్రకటిస్తున్నప్పటికీ వాటిని ప్రజలు పట్టించుకోవడం లేదని తాజా సర్వే ప్రకారం తేలిపోయింది. అంతేకాకుండా అధికార పార్టీ నుంచే ఇద్దరు ఎమ్మెల్యేలు, ఇద్దరు ఎంపీలు వైఎస్సార్సీపీలో చేరారు. మరో టీడీపీ ఎమ్మెల్యే జనసేనలో చేరిపోయారు. ఈ నేపథ్యంలో వచ్చే ఎన్నికల్లో తెలుగుదేశం పార్టీకి దారుణ పరాజయం తప్పదని తేటతెల్లమవుతోంది.
No comments:
Post a Comment