ఉభయగోదావరి జిల్లాల్లో జనసేన జోరు. పార్టీలో చేరిన మాజీ ఎమ్మెల్యేలు

ప్రముఖ సినీ నటుడు పవన్ కల్యాణ్ స్థాపించిన జనసేన పార్టీ ఉభయ గోదావరి జిల్లాల్లో తన జోరు కొనసాగిస్తోంది. భారీ ఎత్తున ఆ జిల్లాల్లో నాయకులు పార్టీలో చేరుతున్నారు. తాజాగా పి.గన్నవరం నుంచి రెండుసార్లు ఎమ్మెల్యేగా గెలుపొందిన పాముల రాజేశ్వరి, రాజోలు నుంచి ఒక పర్యాయం ఎమ్మెల్యేగా గెలుపొందిన రాపాక వరప్రసాదరావు.. పవన్ కల్యాణ్ సమక్షంలో జనసేన తీర్థం పుచ్చుకున్నారు. మాల సామాజికవర్గానికి చెందిన ఈ ఇద్దరు నేతల చేరికలతో జనసేన బలం పుంజుకుంది. ఉభయగోదావరి జిల్లాల్లో మొత్తం 34 అసెంబ్లీ సీట్లు ఉండగా అత్యధిక సీట్లు కొల్లగొట్టే యోచనతో పవన్ కల్యాణ్ వడివడిగా ముందుకు కదలుతున్నారు.