గాల్లో తేలుతూ భోజనం చేయండి!

మనం సాధారణంగా రెస్టారెంట్కు వెళ్లి ఏసీ రూముల్లోనో, గార్డెన్ ఏరియాల్లోనో, మహా అయితే నీటి కొలను చివర్లో లేదా మధ్యలో కూర్చుని భోజనం చేస్తాం. అయితే బెంగళూరులోని ఓ రెస్టారెంట్ వినూత్నంగా ఆలోచించింది. తమ రెస్టారెంట్కు వచ్చే కస్టమర్లను ఖుషీ చేసేందుకు సిద్ధమైంది. భూమికి 160 అడుగుల ఎత్తులో గాల్లో కూర్చుని భోజనం చేసేలా ఏర్పాటు చేసింది. దీనిలో ఒకేసారి 22 మంది కూర్చుని భోజనం చేయొచ్చు. మనకు కావాల్సినవి వడ్డించడానికి  4-5 మంది స్టాఫ్ కూడా వారితో ఉంటారు. ఇక్కడ అరగంట సేపు కూర్చుని భోజనం చేయాలంటే నాలుగు వేల రూపాయలు, గంట సమయానికి ఏడు వేల రూపాయలు చెల్లించుకోవాలి మరి!